तिलु खोँजेली मगर
नवलपुर, साउन २३ । नवलपुरको हुप्सेकोट गाउँपालिकाले विपत व्यवस्थापनका लागि एक करोड रुपयाँ विनियोजन गरेको छ ।
हुप्सेकोट गाउँपालिकामा आइपर्ने विपत व्यवस्थापनका लागि सो बजेट विनियोजन गरिएको हुप्सेकोट गाउँपालिकाका अध्यक्ष लक्ष्मी पाण्डेले यस अनलाईनलाई बताउनुभयो । गाउँपालिकामा बिशेषगरि पहिरो जाने र बाढिको जोखीम बढि रहेकोले उक्त जोखिमबाट उद्दार र समस्या समाधानको लागि पालिकाले बजेट बिनियोजन गरिएको हो ।
अहिलेको बर्खामा पालिकामा खासै समस्या नआएको बताउदैँ पाण्डेले समस्या आएमा त्यसका लागि पूर्वतयारी रहेको बताउनुभयो । विपत व्यवस्थापनका लागि आवश्यक पर्ने सामाग्री पनि तयारी अवस्थामा रहेको बताए ।
गतबर्ष पालिकामा पहिरो र बाढीले धेरै क्षेती पुर्याएको थियो । बाढी र पहिरोको जोखीममा रहेका बस्तीलाई सुरक्षित ठाउँमा सार्ने देखी राहात वितरणको काम पनि पालिकाबाट भएको अध्यक्ष पाण्डेले बताउनुभयो ।
