प्रेमशिला यादव
सिरहा । सिरहाको बरियारपट्टी गाउँपालिकाका हटाइएका करार कर्मचारीद्वारा १५ दिन देखि धर्नामा बसेका छन्। पालिकामा कार्यरत रहेका करार कर्मचारीहरु गाउँपालिकाको निर्णय विरुद्ध शान्तिपुर्ण धर्नामा बसेका छन ।
बरियारपट्टी गाउँपालिकाको परिसरमा करार कर्मचारीहरुले पुनः काजमा बहाली गर्न माग राख्दै धर्ना दिएका हुन ।
श्रावण ५ गते देखि लगातार विना कुनै निर्णय करार कर्मचारीहरुलाई काममा नलगाएको र करार म्याद नथपेको भन्दै पुनः काममा फर्काउको लागी दवाव स्वरुप धर्ना कार्यक्रम संचालन गरेको धर्नामा सहभागि कर्मचारी राम प्रकाश मण्डलले वताउनु भयो । त्यसैगरी अर्को कर्मचारी कृष्ण कुमार यादवका अनुसार आफुहरुलाई विना सुचना हटाएर अन्याय गरेको र पालिकाले कुनै वास्त नगरेको दुख पोखे ।
अहिले देशभरीनै करार कर्मचारीहरुलाई हटाएर पुनः भर्ना गर्ने अभियान चलेकै वेला संघिय मन्त्रालयले समेत करार कर्मचारीलाई फर्काउन र सर्वोच्च अदालतले समेत काममा खटाउन आदेश गरे पनि पालिकाहरुले आनाकानी गरी गैरजिम्मेवारी देखाएको छ ।
यस सम्वन्धमा गाउँपालिका अध्यक्ष संग सम्पर्क गर्न खोज्दा सम्पर्क हुन सकेन । अन्य कर्मचारीहरुले यस सम्वन्धमा कुनै जानकारी नभएको वताए ।
