जगत ठाडा मगर
कावासोती । आज २८औं विश्व आदिवासी दिवस, नेपालमा पनि विभिन्न कार्यक्रम गर्दै भब्यताको साथ मनाइँदै छ । अगष्ट ९ मा बिश्वमा आदिबासी दिवस मनाउने गर्दछन ।
सो अवसरमा नवलपुरको तीन स्थानीय तह गैडाकोट नगरपालिका, देवचुली नगरपालिका, कावासोती नगरपालिकाले सार्बजनिक बिदा दिएको छ भने, बाँकी पाँच वटा स्थानीय तह मध्यबिन्दु नगरपालिका, बिनय त्रिवेणी गाउँपालिका, हुप्सेकोट गाउँपालिका, बौदीकाली गाउँपालिका र बुलिङटार गाउँपालिकाले सार्बजनिक बिदा दिएको छैनन ।
२८औं विश्व आदिबासी दिवसका अवसरमा नवलपुर जिल्लाका गैंडाकोट नगरपालिका, देवचुली नगरपालिका र कावासोती नगरपालिकाका प्रमुख प्रशासकीय अधिकृतहरुले छुट्टाछुट्टै बिज्ञप्ती जारी गरेर विश्व आदिबासी जनजाति दिवसको अवसरमा नगरपालिका भित्रका सबै कार्यालयमा सार्वजनिक बिदा दिएका छन ।
भने, मध्यबिन्दु नगरपालिका, बिनय त्रिवेणी गाउँपालिका, हुप्सेकोट गाउँपालिका, बौदीकाली गाउँपालिका र बुलिङटार गाउँपालिका मौन रहे । सार्बजनिक बिदा पनि दिएको छैनन ।
नवलपुर जिल्ला एउटा आदिबासी जनजातिको बाहुल्यता रहेको जिल्ला हो । आठ वटा स्थानीय तह मध्ये सबै तहमा आदिबासी जनजातिहरुको बाहुल्यता रहेका छन ।
