नवलपरासी । पश्चिम नवलपरासीमा सुरक्षा निकायको प्रमुख र चौकी इन्चार्जद्वारा सेटिङ्गमा तस्कर भैरहेको खुलास भएको छ । बिगत केही दिन देखि पटक पटक सामाजिक संजालको माध्यमबाट नललपरासीको एसपी ऋषिराम कण्डेलको कर्तुत छर्लङ्ग हुने गरि समाचार सम्प्रेषण हुदा पनि उनलाई केहि फरक नपरेको झन उनको मनोबल बढावाको रुप लिदै उनकै सेटिङ्गमा तस्करी भैरहेको छ ।
एसपीको निगरानीमा रहेको विभिन्न चौकीहरु मध्ये गेर्मी चौकी पनि हो । उक्त चौकीमा असई लक्ष्मण रास्कोटी मगर बिगत केही दिन पहिला चौकी इन्चार्ज बनेर आएका छन । इन्चार्जको रुपमा आएको केही दिन नबित्दै आफ्नो एरिया (सिमाना) मा तस्करी संग साँठगाठ मिलाएर हप्ता, महिनवारीको हिसाबले असुलीमा संलग्न भएको जानकारी स्थानीयले बताएको छ ।
नवलपरासीको गेर्मी, पडरी, गुठी प्रसौनिमा सब भन्दा बढी गेर्मी नाकाबाट तस्करी हुँदै, आएको स्पस्ट रुपमा देखिन सकिन्छ । उक्त स्थानमा रहेका ब्यक्तिहरुको भनाई अनुसार दिनहुँ मोटरसाइकलबाट टायल लगायतका सामानहरु तस्कर भैरहेको बताएका छन ।
श्रोतका अनुसार तस्करहरु भारतको बरगदवाबाट अबैध सामान जस्तै अटायल, कपडा, हार्डवेरका सामान, माछा, लागूऔषध जस्ता पुलिसहरुको आँखा अगाडिबाट लिएर आउदा देखेर पनि नदेखे जस्तो गरेर छोडने गरेको पाईएको छ । तस्करहरु सिधै गेर्मीबाट जोकवार हुदै जितपुरको पाल्ही क्याम्पसको बाटो भएर जितपुर र सन्तपुरको बाटो भएर केरवानी हुँदै परासी तथा विभिन्न स्थानमा पुर्याउने गर्छन् ।
एसपी कण्डेल निर्दोष ब्यक्तिहरुलाई लागुऔषधमा फसाएको आरोपमा अहिले प्रहरी हेड्क्वाटरबाट छानवीनमा परेका छ्न।
