नुवाकोट । अदालतले कैद सजाय तोकेको २९ वर्षपछि अभियुक्त पक्राउ परेका छन्। नुवाकोट जिल्ला अदालतले एक मुद्दामा कैद सजाय तोकिएका एक युवकलाई झण्डै तीन दशकपछि प्रहरीले पक्राउ गरेको जिल्ला प्रहरी कार्यालय नुवाकोटले जनाएको छ ।
उनलाई अदालतले मानव बेचविखन तथा ओसारपसार मुद्दामा जिल्ला अदालत नुवाकोटको लगत नं. ६२१ मा गत २०५० साल पुस १९ गतेको फैसलाले २ वर्ष ६ महिना कैद सजाय फैसला भएकोमा त्यस बेलादेखि नै फरार रहेकालाई पक्राउ गरिएको प्रहरी नायव उपरिक्षक रुपक खड्काले जानकारी दिए।
घटनापश्चात् फरार रहेका नुवाकोटको उत्तरी भेगको दुप्चेश्वर गाउँपालिका–७ का ५६ वर्षीय ध्रुव नेपालीलाई २९ वर्षपछि पक्राउ गरी फैसला कार्यान्वयनका लागि नुवाकोट जिल्ला कारागार ढुंगे चलान गरिएको प्रहरी नायव उपरिक्षक रुपक खड्काले जानकारी दिए।
