झापा, साउन २७ । झापाको सताक्षी खोलामा पौडी खेल्ने क्रममा डुबेर दुई जना बालबालिकाको मृत्यु भएको छ । हिजो राती पौडी खेल्ने क्रममा डुबेका उनीहरुको हिजो नै शव फेला परेको हो ।

झापा प्रहरीका प्रवक्ता डिएसपी बसन्त पाठकका अनुसार शिवसताक्षी नगरपालिका–९ आइतबारे बस्ने ११ वर्षीया एञ्जिला सुन्दास र अन्दाजी १२ वर्षीय सिकुम राईको शव फेला परेको हो । उनीहरु राति अवेरसम्म घर नफर्किएपछि प्रहरीको सहयोगमा आफन्त र परिवारका सदस्यले खोजी सुरु गरेका थिए ।

खोजी गर्ने क्रममा प्रहरीले डुबेर मृत्यु भएको अवस्थामा राति करिब सवा ९ बजेतिर दुवै जनाको शव फेला पारेको थियो ।