अजय मिश्र
चन्द्रौटा, साउन २८ । कपिलवस्तुको शिवराज नगरपालिकास्थित चन्द्रौटामा हिन्दू नारीहरूको महान पर्व हरि तालिका तिजको अवसरमा तिज महोत्सव २०७९ हुने सम्बन्धमा आज पत्रकार सम्मेलन गरिएको छ । छमछमी इन्टरटेन्मेन्ट प्रा. लि. कपिलवस्तुको आयोजनामा तिज महोत्सव २०७९ हुन लागेको छ । सो महोत्सव यहि भाद्र २ गतेदेखि १४ गतेसम्म रहने आयोजकले जनाएको छ ।
तिज महोत्सव सम्बन्धमा आज भएको पत्रकार सम्मेलन कार्यक्रमको अध्यक्ष तथा कार्यक्रम संयोजकमा नेपाल पत्रकार महासंघ लुम्बिनी प्रदेश सदस्य चिन्ता परियार, प्रमुख अतिथिमा नेपाल पत्रकार महासंघ कपिलवस्तु जिल्ला अध्यक्ष किरणमान बज्राचार्य, अतिथिमा शरद अधिकारी, दिपक खड्का, सनिउल्ला धोबी, सिताराम चौधरी, गीता पौडेल लगायत रहेका थिए । कार्यक्रममा शुभकामना मन्तव्य छमछमी इन्टरटेन्मेन्ट प्रा. लि. कपिलवस्तुका व्यवस्थापक सुमन पौडेलले राख्नुभयो l
कार्यक्रममा बोल्दै प्रमुख अतिथि किरणमान बज्राचार्यले तिज महोत्सवको शुभकामना सहित महोत्सवमा मौलिक तिजगीतहरूबाट रमाइलो गर्नुपर्ने महोत्सवको प्रचार प्रसारमा पत्रकारहरूको भूमिका महत्वपूर्ण रहने बताउदै कार्यक्रम भव्य र शभ्य तरिकाले मनाउन सबैमा आग्रह गरे । छमछमी इन्टरटेन्मेन्ट प्रा. लि. कपिलवस्तुको व्यवस्थापन तथा यो ठांउको पहिचान जोडेर तिज महोत्सवको तयारी तिब्र रूपमा अगाडि बढाइएको तिज महोत्सवलाई कला र संस्कृतिसँग जोडेर तिज पर्वको महत्व दर्साइने छ ।
महोत्सवमा स्थानीय, प्रदेश र केन्द्रीय स्तरका कलाकारको तिज विशेष प्रस्तुति रहने साथै शिव लिंग र माइती घर निर्माण गरि सेल्फी जोन बनाइने, टिकटको व्यवस्थापन तथा पार्किंग व्यवस्थापन रहने तिज महोत्सव २०७९ का संयोजक चिन्ता परियारले बताए । कार्यक्रममा बोल्दै अधिकांश वक्ताले तिज महोत्सव सफलताको कामनासहित तिज महोत्सव २०७९ कार्यक्रमले तिजको मौलिकता दर्साउने विश्वास व्यक्त गरे ।
