नवलपुर । बौदिकाली गाउँपालिका अध्यक्ष प्रकाश ओझाले नगरडाडा मावि नरममा कक्षा १० मा पढ्ने विद्यार्थीहरू सँग भलाकुसारी गर्नुभएको छ । कक्षा १० मा पढ्ने ४२ जना विद्यार्थीहरू सँग कुरा गर्दै अध्यक्ष ओझाले पढाइमा उच्चतम भएर निस्कने कुरामा जोड दिनुभयो ।
शिक्षा नै गाउँ र व्यक्तित्व विकासको पहिलो शर्त भएकोले विद्यार्थीहरूलाई शिक्षामा अधिकतम समय लगानी गर्न अनुरोध गर्नुभयो । पढाइ जो कोहिलाई पनि सहज नलाग्ने भन्दै अध्यक्ष ओझाले आफू विद्यार्थी हुदाको अनुभव विद्यार्थीहरूलाई बताउनुभयो । पढाइको बारेमा बताउदै उहाँले पढाइलाई इन्जोय गरेर पढ्दा शैक्षिक उपलब्धि हासिल गर्न सहज हुने बताउनु भयो ।
हाल बौदिकाली गाउँपालिकाको शैक्षिक स्थिति कमजोर रहेको बताउदै उहाँले शिक्षक र विद्यार्थी पहिलो पक्ष भएकाले मिहेनत गरेर पढ्न र पढाउनु पर्ने कुरामा जोड दिनुभयो । अहिलेको शिक्षा झारा टार्ने खालको भएको र विदेशिनु बाध्य पार्ने खालको भएकाले प्राविधिक शिक्षामा लागेर देशमा नै स्वरोजगार भएर आफ्नो देशमा नै परिवार सँग हासिखुसी बस्ने जिन्दगी बनाउन पर्ने कुरामा जोड दिनुभयो ।
सिकाइलाई सहज बनाउन आवश्यक कुरामा गाउँपालिका सधै शिक्षक विद्यार्थीको साथमा रहने कुरामा जोड दिदै आवश्यक सहयोग उपलब्ध गराउने प्रतिवद्धता व्यक्त गर्नभयो ।
📸✍️Manoj Koirala
