महेश सिंह
सिरहा । लहान नगरपालिका वडा नम्बर ६ स्थित करिब ७९ लाखको लागतमा निर्माण भएको राधाकृष्ण मन्दिरको प्राण प्रतिस्ठान शुभराम्भ भएको छ। २०६५ सालमा शिलान्यास भएको मन्दिर पुर्ण रूपमा निर्माण भए पश्चात् कृष्णा जन्म अष्ट्मिको अवसर परेर लहान नगरपालिकाका मेयर महेश प्रसाद चौधरीले हिन्दु परम्परा अनुसार उद्घाटन गरेका छन्।
मन्दिर संरक्षण समितिका अध्यक्ष छायाँ चौधरीको अध्यक्षतामा सुरु भएको कार्यक्रमको प्रमुख अतिथि महेश चौधरी रहनु भएको थियो । बिशिस्ट अतिथिमा जिल्ला उद्योग बाणिज्य संघ सिरहा लहानका अध्यक्ष बिकाश सारडा लहान नगरपालिकाका प्रबक्ता रमेश गौतम समाजसेवी तथा लहान क्यान्सर केयर सेन्टरका अध्यक्ष अशोक लाल अमात्य समाजसेवी उधब हमाल लगायत बिशिस्ट ब्यक्तित्वहरुको उपस्थितिमा उद्घाटन गरेको मन्दिरको कोषाध्यक्ष राम बहादुर भुजेलले बताए।
मन्दिरमा कृष्णा अष्टमिको दिन आज सयौं भक्तजनहरुको भिडलागेको मन्दिरका पुजारी गोपाल प्रसाद पौडेलले जानकारी दिनु भयो। मेयर चौधरीले सम्पुर्ण मन्दिर संरक्षण समितिका पदाअधिकारीहरुलाई बधाई तथा शुभकामना व्यक्त गरेका थिए।
