कावासोती । नवलपुरकाे बाैदीकाली गाउँपालिकामा डाेजर दुर्घटनामा हुदा एक जनाको मृत्यु भएको छ । मृत्यु हुनेमा बुलिङ्टार – ५ लापाकका २२ बर्षीय लक्ष्मण सार्की रहेको छ । उनी साेहि डाेजरमा सवार थिए ।
नवलपुर सदरमुकाम कावासाेती बजारबाट पुर्व पहाडी क्षेत्रमा पर्ने गाउँपालिकाले सञ्चालन गरेको बा १ ग ३०८० नम्बरको डोजर स्थानीय बाटो मर्मतको क्रममा दुर्घटनामा परेको जिल्ला प्रहरी कार्यालय नवलपुरका प्रहरी उपरीक्षक प्रज्जवल महर्जनले जानकारी दिनुभयो ।
गाउँपालिकाले निरन्तर रूपमा गाउँपालिका भित्र रहेका स्थानीय बाटो मर्मतका लागि आफ्नै डाेजरले निरन्तर ग्रामीण भेगका सडक मर्मत गर्दै आएको थियो ।
डाेजर बौदीकाली गाउँपालिका ४ रुचाङको भालुकाेन भन्ने स्थानमा सडक देखि अन्दाजी २०० मिटर तल खसेकाे स्थानीय भिम थापाले जानकारी दिनुभयो । डाेजर चालक अहिले प्रहरी नियन्त्रणमा रहेका छन् ।
