परासी । पश्चिम नवलपरासीको रामग्राम – ४ मा रहेकाे खानेपानी टंकी निर्माण भएको १० वर्षमा पनि पानी बितरण नहुदा स्थानीयले अशुद्ध पानी पिउन बाध्य भएका छन् ।
रामग्राम नगरपालिका- ४, ७ र ९ भित्र पर्ने बैरिहवा, सुर्यपुरा, केरवानी, चितपुर, बुद्धटाेल, चन्द्रागढी साथै वडा नं ७ मा पर्ने उजैनी र रामग्राम – ९ सन्तपुरमा खानेपानी पुर्याउने उदेश्यले बनाईएकाे रामग्राम ४ बैरिहवामा बनेकाे खाने पानी टंकी निर्माण गरेको १० वर्ष भन्दा बढी भैइसकेपनि संचालनमा आएको छैन ।
रामग्राम नगरपालिकाका विभिन्न वडामा खाने पानीको टंकी तयार भएको धेरै छन । तर, अधिकांश खाने पानी टंकीबाट पानी बितरण नहुदा स्थानीय जनताले खाने पानीको अभाव बर्षौदेखी झेल्दै आएका छन ।
जनप्रतीनिधिहरुले प्रत्येक वर्ष सरकारी बजेट बिनियोजन गरी आ-आफ्ना नातेदारलाई मात्र गुपचुपमा ब्यक्तिगतरुपमा १ सय ५० मिटरको चापाकल दिएका छन् खाने पानी टंकीको बारेमा बुझ्दा समितीका जिम्मेवारी ब्यक्तिहरुले विभिन्न बहाना बनाई आलटाल गरेको स्थानियहरुले बताएका छन् । खानेपानी वितरण गर्नको लागि समितीले पाईप लाईन बिस्तार गरिसकेकाे खानेपानीका अध्यक्ष रामकुण्डल यादवले जानकारी दिनुभएकाे छ । यादवले विभिन्न टाेलमा पाईप लाईन बिस्तार गर्दा स्थानीयले अवरुद्ध गरिरहेकाेले खानेपानी संचालनको लागि ढिला भएको बताए ।
स्थानीय शुद्ध खाने पानी पिउन नपाएर विभिन्न रोगका सिकार भईरहेका छन् तर पनि स्थानिय सरकार प्रदेश सरकार लागयतका सम्बन्धित निकायहरु मौन रहेको स्थानियको गुनासो छ ।
