चितवन । विपन्न सामाजिक क्षेत्र र विपद्को समयमा उत्कृष्ट सेवा गरेबापत नेपालकी एक वरिष्ठ चिकित्सक अन्तर्राष्ट्रिय अवार्डबाट पुरस्कृत भएकी छन् । इन्टरनेसनल अवार्ड अप एक्सिलेन्स इन डेन्टिस्ट्रीद्वारा भारतको चेन्नाईमा भएको एक कार्यक्रममा चितवनकी वरिष्ठ दन्त चिकित्सक डा. सरु थापा न्यौपानेलाई ‘बेस्ट डेन्टल च्यारिटी अवार्ड २०२२’ बाट पुरस्कृत गरिएको हो ।
यस अवार्डलाई ‘दन्त चिकित्साको ओस्कार अवार्ड भनिन्छ । बेस्ट डेन्टल च्यारिटी अवार्डबाट पुरस्कृत हुन पाउँदा हर्षित भएको बताइन् । उक्त सम्मान आफ्नोमात्र नभई सम्पूर्ण नेपालीको सम्मान भएको बताइन् ।गत वर्ष विश्व दन्त परिषद्ले डा. थापालाई उत्कृष्ट प्रेरणादायी महिला चिकित्सक घोषणा गरेको हो ।
नेपाल दन्त चिकित्सक संघको भोटिङको आधारमा सर्वाधिक मत ल्याउने डा. सरुलाई संघले नेपालको प्रतिनिधित्व गरेर पठाएको थियो । दन्त चिकित्सामा बिरामीलाई गुणस्तरीय सेवा, सामाजिक अभियानको सक्रियताको मूल्याङ्कन गर्दै उक्त सम्मान प्रदान गरिएको हो । त्यसबेला विश्वका १३३ बढी राष्ट्रहरू सदस्य राष्ट्रहरुबाट उनी उत्कृष्ट घोषित भएकी थिइन् ।
डा. थापा सामाजिक अभियानमा पनि सक्रिय छन् । विकट बस्तीमा स्वास्थ्य शिविरको साथै राहत वितरण गर्दै आएकी छन् । पहाडी भेगमा रहेका चेपाङ बस्तीका बालबालिकाको शैक्षिक विकासमा सहयोग गर्दै आएकी छन् । .उनी विगत १६ वर्षदेखि दन्त चिकित्सा सेवामा सक्रिय छिन् ।
