मकवानपुर, असोज ६ । मकवानपुरको भीमफेदीमा मिनिबस दुर्घटना हुँदा ६ जनाको घटनास्थलमै मृत्यु भएको छ ।
काठमाडौंबाट बीरगञ्ज जाँदै गरेको बा. ३ ख ७८५८ नम्बरको बस भीमफेदीको जुरीखेतमा दुर्घटना भएको जिल्ला प्रहरी कार्यालय मकवानपुरका प्रमुख वामदेव गौतमले बताए । उनका अनुसार च्यापिएको अवस्थामा ६ जनाको शव निकालिएको छ ।
दुर्घटनामा घाइते भएकाहरुलाई उद्धार गरी हेटौँडा लगिएको गौतमले बताए । मिनिबस ठाडो मोडबाट करिब ६० मिटर तल खसेको छ ।
