परासीमा अबैध लागुऔषधसहित एक जना पक्राउ
परासी । पश्चिम नवलपरासीमा लागुऔषधसहित एक पक्राउ परेका छन । पक्राउ पर्नेमा रामग्राम- १८ धर्मपुर बस्ने बर्ष अं.२९ को दानेल गैरे रहेको छ । उनलाई बुधबार पक्राउ गरिएको हो ।
प्रहरीले विशेष सुचनाको आधारमा निजको घर कोठामा रितपुर्वक खानतालसी गर्दा निजको कोठा भित्र तल्ला माथि कालो प्लाष्टिकमा १४३ क्याप्सुल स्पास्मो र १५७ ट्याब्लेट नाईट्राभेट अबैध लागुऔषधसहित नियन्त्रणमा लिएको प्रहरीले जनाएको छ ।
प्रहरीले उनलाई बुधबार दिउँसो २ बजेको समयमा ईलाका प्रहरी कार्यालय सुनवलबाट प्र.नि. बिष्णु प्रसाद पौडेलको कमाण्डमा खटि गएको ७ जनाको प्रहरी टोलीले नियन्त्रण लिईएको हो । उनलाई बिहिबार सम्मानित जिल्ला अदालत नवलपरासीबाट ५ दिनको म्याद लिई आबश्यक थप अनुसन्धानको लागि हिरासतमा राखिएको प्रहरी नायक उपरीक्षक भोजराज पाण्डेयले जानकारी दिनुभएको छ ।
त्यसैगरी, चोरी भएको मोटरसाइकल प्रहरीद्धारा फेला पारी सवारी धनीलाई हस्तान्तरण गरिएको छ । असोज १८ गते सुनवल नगरपालिका – ४ लक्ष्मीपथस्थित आफ्नै घरमा पार्किङ्ग गरी राखेको लु ३६ प ६९७१ नं.को NS200 पल्सर मोटरसाईकल हराएको जानकारी पश्चात विशेष सुचनाको आधारमा ईलाका प्रहरी कार्यालय सुनवलबाट प्र.नि. बिष्णु प्रसाद पौडेलको कमाण्डमा खटि गएको प्रहरी टोलीले खोजतलास गर्दा मोटरसाइकल फेला पारी बुधबार सवारी धनी चन्द्र बहादुर सुवेदीलाई जिम्मा लगाए छ ।
साथै सोही प्रहरी टोलीले बिगत ७ माहिना अगाडिरुपन्देही देवदह नगरपालिका – ४ स्थित घरमा पार्किङ्ग गरी राखेको लु २७ प ६९२९ नं.को 220 पल्सर मोटरसाइकल हराएकोमा खोजतलास गर्दा फेला परी बुधबार सवारी धनी दिपक काफ्लेलाई जिम्मा लगाए हो ।
त्यसैगरी असोज २० गते राती १० बजेको समयमा सुनवल नगरपालिका- १ स्थित ओपन्हट रेष्टुरेन्ट अगाडि पार्किङ गरि राखेको सुदुरपश्चिम प्रदेश ००१-०९ प ७३२८ नम्बरको रातो/कालो रङ्गको 150cc को पल्सर मोटरसाइकल हराएको भनि मौखिक जानकारी ईलाका प्रहरी कार्यालय सुनवलमा प्राप्त भएकोमा खोजतलास गर्दा उक्त मोटरसाइकल फेला परी सवारी धनी प्रदिप न्यौपानेलाई जिम्मा लगाई आबस्यक अनुसन्धान भैरहेको नवलपरासी सूचना अधिकृत भोजराज पाण्डेयले जानकारी दिनुभएको छ ।
