तानसेन । पाल्पा सदरमुकाम तानसेनस्थित नारायणस्थान पाेखरीमा डुबेर एक जना बालककाे मृत्यु भएकाे छ l मृत्यु हुनेमा तानसेन–२, नारायणस्थानस्थित पोखरीमा पौडी खेल्ने क्रममा डुबेर तानसेन टुंडिखेलका १२ वर्षीय सुजल पराजुलीको रहेको छ ।
आइतबार दिउँशो साढे २ बजेतिर नारायणस्थान पोखरीमा डुबेका पराजुलीलाई उपचारको लागि मिसन अस्पतालमा लगेपछि ३ बजे चिकित्सकले मृत घोषणा गरेको प्रहरीले जनाएको छ । घटनाको बारेमा थप अनुसन्धान कार्य भइरहेको जिल्ला प्रहरी कार्यालय पाल्पाका प्रहरी नायव उपरीक्षक वीरेन्द्र थापाले जानकारी दिनुभयो ।
मृत बालक तानसेन नारायणस्थानस्थित देववाणी संस्कृत तथा साधारण माविमा अध्ययनरत थिए ।
