नवलपरासी । नेपाली काङ्ग्रेसको तर्फबाट पश्चिम् नवलपरासीको क्षेत्र नम्बर १ बाट उम्मेदवार रहेका बिनोद चौधरीले नेपाल विभिन्न भाषा, सस्कृतीले भरिएकोले सबै चाड पर्वहरुले विशेष महत्व बोकेको बताउनु भएको छ।
पश्चिम नवलपरासीमा राष्ट्रको पहिचान बोकेका सबै समुदायको बाहुल्यता रहेको हुदा उनीहरुको सस्कृतिको संरक्षण मात्र नभै उनीहरुको जीवनस्तर सुधार्न आवश्यक रहेको चौधरीले बताउनु भयो।
श्री जागृती युवा क्लव एवं चाद कन्या समुहले आयोजना गरेको लाठी तथा झमटा नाच कार्यक्रममा बोल्दै चौधरीले कला सस्कृतीको संरक्षक गर्ने दायित्व सबैको रहेको बताउनु भएको छ । मुलत थारु समुदायले पनि यस क्षेत्रमा छठ पर्वलाई विशेष रुपमा मनाउने गरेको छ ।
सोही अवसरमा बोल्दै चौधरीले यहाँका कला सस्कृतिलाई राष्ट्रिय स्तरमा मात्र नभै अन्तरास्ट्रिय स्तरसम्म पुर्याउनु पर्नेमा जोड दिनु भयो । यहाँका बिपन्न र राज्यको पहुँचमा पुग्न नसकेका समुदायलाई जिविकोपार्जनका निम्ति उधमशिलताको बिकास गर्नु आफ्नो प्राथमिकता रहेकोले यस क्षेत्रमा आफ्नो उम्मेदवारी रहेको चौधरीको भनाई थियो ।
ग्रामिण क्षेत्रहरुका बस्तिहरुमा थुप्रै समस्याहरु छ, जुन कुरालाई मैले नजिकबाट बुझ्ने प्रयास गरेको छु । तसर्थ भुईमान्छेहरुको कथा ब्यथा नै मेरो प्राथमिकता हो । चौधरीले भने । यहाँको स्थानीय कला र सस्कृतिको संरक्षणका लागि समुदायबाट हुने यस्ता विभिन्न कार्यक्रमहरुले समुदायको पहिचानका निम्ति महत्वपूर्ण भुमिका खेल्ने चौधरीले बताउनुभयो ।
चौधरी ग्रुपले स्थानिय कला सस्कृतिको प्रवर्द्धनका लागि पुर्वीनवलपरासीमा उन्नत कल्चर भिलेजको स्थापना गरि अन्तरास्ट्रिय स्तरमासमेत यहाँको कला सस्कृतीलाई बिश्वसामु पुर्याउन प्रयत्न गरिरहेको छ।
चुनाव प्रचारप्रसारका लागि सुस्ता र सरावल गाउँपालिकाको पहिलो चरणको अभियान सकेर चौधरी यतिबेला पश्चिम नवलपरासीको बर्दघाटका मतदाताको गुनासो सुन्न घरदैलो अभियानमा रहेका छ्न।
