परासी । नेपाली काङ्ग्रेस पश्चिम नवलपरासी क्षेत्र नम्बर १ का उम्मेदवार बिनोद चौधरीले केवल सत्ताका लागि गरिने राजनीतिको आयु कम हुने बताएका छ्न।
राजनीतिको मुल प्रवाह बिकास निर्माणसंग जोडिनु पर्ने बताउदै चौधरीले युवा, महिला र सबै बर्ग अट्ने गरि स्पष्ट बिकासको खाका कोरेर अघि बढ्नु पर्ने आफ्नो मान्यता रहेको उल्लेख गरे। वडा कार्यसमिति बर्दघाट- १३ ले आयोजना गरेको कार्यकर्ता भेटघाट कार्यक्रममा बोल्दै चौधरीले आम मतदाता र उम्मेदवार बिचको दुरी चिर्ने गरि आफू मैदानमा उत्रिएको जिकिर गरे।
संगठनको एक्यवद्धताले नै यो क्षेत्रको बिकास र परिवर्तनना हातेमालो गरि अघि बढ्न सकिने उनको भनाई थियो । आम कार्यकर्ता र मतदाताको भावनालाई समेटेर हिड्नु र त्यसलाई सहि रुपमा दिशानिर्देश गर्ने गरि लागि पर्नु नै आफ्नो कर्तव्य हुने चौधरीले धारणा ब्यक्त गरे।
चौधरी यतिबेला बर्दघाट नगपालिकाका विभिन्न वडामा पार्टीले आयोजना गरेका कार्यक्रममा सहभागी भएका छन ।
