बेनीघाट २० कार्तिक । काठमाडौँबाट रूकुमकोट जाँदै गरेको यात्रुवाहक बस त्रिशुलीमा खस्दा १६ जना घाइते भएका छन् ।
शनिबार साँझ ६:१५ मा बेनीघाट-१० हुग्दीखोला नजिकै बस राजमार्गबाट करिब दुई सय मिटर तल खसेको हो । बा ४ ख ५७९० नम्बरको सो बसमा २० यात्रु रहेको जनाइएको छ । घाइतेको उद्धार गरिएको र उपचारका लागि स्थानीय मेडिकल पठाइएको प्रहरीले जनाएको छ ।
घटनाको उद्धार तथा थप विवरण लिन गजुरीबाट प्रहरी टोली परिचालन गरिएको थियो । बस सडकबाट खसे पनि नदी किनारमै रहेका स्थानीयले बताएका छन् । बस पानीमा डुबेको भए मानवीय क्षति हुनसक्ने उनीहरुको भनाई थियो ।
