काठमाडौं, कात्तिक २५ । काठमाडौं क्षेत्र नम्बर १ को प्रतिनिधिसभा सदस्यका स्वतन्त्र उम्मेदवार दुर्गाप्रसाद लिम्बूले गठबन्धनका उम्मेदवार प्रकाशमान सिंहलाई समर्थन गरेका छन् । शुक्रबार एक कार्यक्रमकाबीच लिम्बूले प्रकाशमानलाई समर्थन गर्दै आफ्नो उम्मेदवारी निष्क्रिय बनाएको घोषणा गरेका हुन् ।
उनले भने, ‘काठमाडौं क्षेत्र नम्बर १ मा खटिरहँदा धेरै उम्मेदवारहरुको विश्लेषण पनि गरिरहेको थिएँ, त्यो विश्लेषण गर्दा क्षेत्र नम्बर १ लाई आवश्यक भएको उम्मेदवार चाहिँ प्रकाशमान सिंह नै भन्ने निष्कर्ष निकालें ।’ प्रकाशमानले अघि सारेको ‘केन्द्रमा प्रभाव, क्षेत्रमा विकास’ भन्ने चुनावी नारा आफूलाई मन परेको लिम्बूले बताए ।
यसअघि लोसपाका प्रतिनिधिसभा सदस्य उम्मेदवार प्रकाश नायजु र प्रतिनिधिसभा सदस्य उम्मेदवार रणवीर सिंहले पनि प्रकाशमानलाई समर्थन गर्दै आफ्नो उम्मेदवारी निष्क्रिय बनाएका थिए ।
