नवलपरासी, कात्तिक २६ । पश्चिम् नवलपरासी निर्वाचन क्षेत्र नम्बर १ का उमेदवार बिनोद चौधरी बर्दघाटमा भएको सरसफाइ कार्यक्रममा सहभागी भएका छ्न । उनले वातावरण मात्रै सफाई नगरी राजनीतिक सफाई समेत जरुरी रहेको बताए ।
उनले भने ‘तपाईहरुले दुई किसिमका मान्छेहरूको सफाई गर्नु छ एक टुट फुटको राजनीतिक गर्नेको र अर्को रंग बदलेर आउनेहरूको । यिनीहरूको सफाई गरेर मात्रै बिकासको यात्रा अघि बढाउनु पर्छ ।’ त्यसपछि केही गरौ भन्नेहरुको संगठित रुप एकातिर र चोला बदलिनेहरु अर्कोतिर रहने चौधरीको भनाई थियो ।
खराब तत्वहरुको सफाई गरी बलियो संगठन निर्माण गर्न जरुरी रहेको उनले बताए । २५ बर्षसम्म जनताको भावनामाथी खेलबाड गर्नेहरुको अब सधैलाई सफाई गर्न उनको आग्रह छ ।
बर्दघाट ४ लक्ष्मीनगर टोलले आयोजना गरेको सरसफाई कार्यक्रममा उमेदवार चौधरी आफै कुचो हातमा बोकेर सडक सरसफाईमा उत्रिए पछि सबैको ध्यान चौधरीतर्फ केन्द्रित भएको थियो ।
