नवलपरासी, कार्तिक २७ । नेपाली कांग्रेसका केन्द्रिय सदस्य बिनोद चौधरीले नागरिकताको सवाल उठाउदै नागरिकलाई अनागरिक बनाईएको बताए । पश्चिम नवलपरासी निर्वाचन क्षेत्र नम्बर १ बाट उमेदवार रहेका चौधरीले नेकपा एमालेले नागरिकता बिधयेक पास गर्न नदिएर लाखौ नागरिकलाई नागरिक हुनबाट बञ्चित गरेको आरोप लगाए ।
नवलपरासी क्षेत्र नम्बर १ ले आइतबार बर्दघाटको जिमिरेभारका आयोजना गरेको मतदाता शिक्षा कार्यक्रममा बोल्दै उम्मेदवार चौधरीले नागरिकताका कारण लाखौ युवा पीढिको भविष्य अन्यौल रहेको बताए । जनताबाट निर्वाचित भएर यहाँबाट जाने नेकपा एमाले र नेकपा एमालेसंग गठबन्धन गरेर जाने प्रतिपक्षका नेताहरुले सदनमा नागरिकता बिधयेकको बिरोध गर्नु भो निर्वाचनमा फेरी नागरिकता दिलाउछौ भनेर जनता माझ जानु भएको छ, यो दोहोरो चरित्रले जनतालाई कहिलेसम्म भ्रममा राख्ने चौधरीले भने ।
हृदयेश त्रिपाठीको महल र कारखाना व्यवस्थित हुनु तर त्यहि नजिकका बिपन्न जनताको आवास र जीवनस्तरको अवस्था हेर्दा जनताले आफै बुझ्नु पर्ने उम्मेदवार चौधरीले बताए । हामीले केरामा आधारित उद्योग दर्ता गर्यौ, महिलाका जीवनस्तर उकास्न बिभिन्न कार्यक्रम ल्यायौ । तर, त्रिपाठीले सधै अवरोध गर्नु भो उहाँलाई बिकास चाहिएको हो कि केवल सत्ता ? चौधरीले प्रश्न गरे ।
जसको जीवननै औधोगिक बिकासमा, रोजगारी सिर्जना गर्न बित्यो अनि म कसरी झुठो भए उहाँ २५ बर्षसम्म कुन आधारमा विकास प्रेमी हुनु भो ? चौधरीको प्रश्न थियो । अगामी मंसिर ४ गतेको निर्वाचन पछि गठबन्धन सरकार बने लगत्तै नागरिकता बिधयेक हर हालतमा पास हुने चौधरीले दावी गरे।
