नवलपरासी, २९ कात्तिक । नेपाली कांग्रेसका नेता एवम् पश्चिम नवलपरासी निर्वाचन क्षेत्र न. १ मा प्रतिनिधी सभा सदस्य पदका उम्मेदवार बिनोद चौधरीले आफ्नो निर्वाचन क्षेत्र अन्तर्गत सुस्ता गाउँपालिका पुगेर जनताको प्रत्यक्ष समस्या बारे जानकारी लिएका छन् ।
चुनावी प्रचारप्रसार अन्तर्गत घरदैलो कार्यक्रममा रहेका नेता चौधरी सुस्ता गाउँपालिकाको विभिन्न वडामा पुगी सो क्षेत्रको समस्या सामाधानका लागि आफनो उम्मेदवारी रहेको र सुस्ताको चौतर्फी बिकासका लागि आफनो महत्वपुर्ण भुमिका रहने बताए ।
सो क्रममा चौधरीले जनताको समस्या सामाधान प्रति चासो व्यक्त गर्दै सुस्ता क्षेत्रको चौतर्फी विकासमा आगामी दिनमा आफ्नो ध्यान केन्द्रित रहने प्रतिबद्धता व्यक्त गरे । नियमित रुपमा मतादाता माँझ घरदैलो तथा चुनावी प्रचारप्रसार अभियानमा रहेका नेता चौधरीसमक्ष मतदाताले नियमित रुपमा यस क्षेत्रको समस्या राख्दै सोको सामाधान र विकासका लागि आश राखेको पाईन्छ ।
चुनावी घरदैलो कार्यक्रममा तिब्रता दिदै नेता चौधरी जिल्लाको बर्दघाट, प्रतापपुर र सुस्ताको विभिन्न वडाहरुमा पुगेर मतदाताहरुको समस्या सुन्ने र सोको विकासका लागि भरपुर पहल गर्ने प्रतिबद्धता जाहेर गरेका छन् । जिल्लामा प्रतिनिधि सभा सदस्य पदका उम्मेदवार रहेका नेता चौधरी प्रति मतदाताहरुको आकर्षण र समर्थन बढ्दै गएको छ ।
विगत २५ बर्षदेखि यस क्षेत्रमा विकासप्रति ध्यान नपुगेको र यसलाई विकासको क्षेत्रमा उपेक्षामा राखेको नेता चौधरीले बताउँदैै अब यस क्षेत्रको विकासका लागि आफनो उम्मेदवारी रहेको र आफुलाई चुनावमा सहयोग गर्न मतदातालाई आग्रह गरे । नेता चौधरीले आफु चुनाव जितेमा यस क्षेत्रका समस्या समाधान र विकासमा जनताले लामो समय पर्खिन नपर्ने वाचा गरे ।
