नवलपरासी, कात्तिक ३० । नेपाली काङ्ग्रेसका केन्द्रिय सदस्य एवम् पश्चिम् नवलपरासी क्षेत्र नम्बर १ का उमेदवार बिनोद चौधरीले नवलपरासीका जनताको स्वाभिमान कुल्चिनेलाई जनताले चिन्नुपर्ने र चुनावबाट बिदाइ गर्नुपर्ने बताएका छन् ।
आफ्ना प्रतिस्पर्धि हृदयेश त्रिपाठीलाई तर्फ ईङ्कित गर्दै चौधरीले जनताबिचको आपसी सद्भावमा खलल पुग्ने खालका गतिविधि गर्ने, चुनावका बेला अनेकौ प्रोपोगन्डा झिकेर सामुदायिक एक्यवद्धतालाई भाड्ने प्रवित्तलाई बढार्नु पर्ने जिकिर गरे ।
बिकासको मुललाई बन्द गरेर जनतालाई आजसम्म भुमरीमा हाल्नेहरुको गफ अब नचल्ने उनले बताए । ‘हामी गफ गर्न आएका होइनौँ । आफूसँग कुनै एजेन्डा नहुनेहरुले हाम्रो बिरोध गरिरहेका छन् । हामिसँग बिरोध होईन । यो क्षेत्रको स्पष्ट बिकासको खाका छ’ चौधरीले भने । बर्दघाट ४ को मुख्य बजारमा आज चुनावी कोण सभालाई सम्बोधन गर्दै चौधरीले ५ बर्षमै यो क्षेत्रको बिकासले फड्को मार्ने दावी गरे ।
सभालाई सम्बोधन गर्दै प्रदेशसभा सदस्यका उमेदवार विश्वप्रेम पाठकले यो क्षेत्रको बिकासका लागि आफू सधै जनताको साथमा रहेको बताए । ‘म हिजो पनि तपाईहरुकै उमेदवार थिए, आज पनि छु । यसपटक सफल बनाउनुहुनेछ भन्ने बिश्वास बोकेको छु’ पाठकले भने ‘अब हाम्रो भिजनलाई एक पटक प्रयोग मात्र गर्न दिनुहोस ।’
