नवलपरासी, मंसिर १ । नेपाली काङ्ग्रेसबाट निर्वाचन क्षेत्र नम्बर १ का प्रतिनिधि सभा सदस्यका उमेदवार बिनोद चौधरीले यो क्षेत्रका अधुरा बिकास निर्माणलाई पुर्णता दिने बेला आएको बताएका छन् ।
नेपाली काङ्ग्रेस वडा कार्यसमिति बर्दघाट १४ ले आयोजना गरेको कार्यक्रमलाई सम्बोधन गर्दै उमेदवार चौधरीले महिलाई र युवाहरुलाई उधमी बनाउँदै बेरोजगारीको रोगलाई निर्मुल पारिने बताए । उनले भूमिहीन, सुकुम्बासी, स्वास्थ, शिक्षा लगायतका समस्यालाई ५ बर्ष भित्रमै समाधान गर्ने प्रतिबद्धता ब्यक्त गरे ।
‘हरेक घरघरमा अब मतदाता सचेत हुनुपर्ने अवस्था छ । ताकी प्रतिगामी शक्ति उल्ट्याउने दुष्शाहस कसैले नगरोस’ चौधरीले भने । आफू गफ मात्र गर्न नभइ बास्तवमै जनताका समस्यालाई सम्बोधन गर्न राजनीतिमा होमिएको चौधरीले दावी गरे ।
