लुम्बिनी, मंसिर २ । विश्वविद्यालय जैन विश्व भारती राजस्थानले लुम्बिनी प्रदेशकै पहिला याेग वैज्ञानिक बृजेश कश्यपलाई ‘डाक्टर अफ फिलोसोफी’ काे उपाधिले सम्मानित गरेकाे छ ।
कपिलवस्तुकाे कृष्णनगर नगरपालिका ९ बहादुरगंज निवासी बृजेश कश्यपलाई भारतकाे जैंन विश्व भारती विश्वविद्यालय राजस्थान सरकारले ‘डाक्टर अफ फिलोसोफी’ काे उपाधिले सम्मानित गरेकाे हो । डा.कश्यपका शोधकार्य लाईफस्टाइल पैरामीटरमा योगले पर्ने प्रभाव विषयमा थियाे । शाेधमा कुल १२ पैरामीटर थिए । जसमा मुख्य रूपले सुगर स्तर, हीमोग्लोबिन, क्रिएटनीन, लिपिड प्रोफाइल रेस्पिरेटरी फंक्शन, बीपी आदि ४ वटा थप पैरामीटरमा पनि छ ।
डा.कश्यपकाे पीएचडी रजिस्ट्रेशन सन २०१६ मा भएकाे थियाे भने शोधकार्य २०१९ मा शोधगाइड डा.प्रद्यमुन्न सिंह शेखावतका मार्ग दर्शनमा सम्पन्न भएकाे थियाे । राजस्थानका गर्वनर कलराज मिश्रकाे प्रमुख अतिथ्यतामा यहि १२ नोभेम्बरका दिन १३ ओैं दीक्षान्त समारोहकाे अवसरमा कैबिनेट मन्त्री अर्जुनराम मेघवाल र विश्वविद्यालयका कुलपति दुंगड़ले बृजेश कश्यपलाई योग विज्ञानमा ‘डाक्टर अफ फिलोसोफी’ काे उपाधि प्रदान गरेका हुन् ।
डा.बृजेश कश्यपका बुबा स्वर्गीय विश्राम कश्यप कपिलवस्तुकाे बहादुरगंजकाे एउटा मध्यम परिवार भएपनि अथक लगनशील भएका कारण लुम्बिनी प्रदेश मै एकमात्र याेग विज्ञानका ‘डाक्टर अफ फिलोसोफी’ उपाधि धारक हुन् । डा.कश्यप एसएलसीसम्मकाे पढाइ बहादुरगंजकै श्रीराम गाेरखा माध्यमिक विद्यालयमा गरेका थिए । विद्यालयका गणित शिक्षक राधेश्याम चाैधरी गायत्री परिवारसँग जुडेकाले त्यहीँबाट याेग शिक्षाप्रति रुचि बढ्न थालेकाे थियाे ।
सानैमा बुवा बिश्रम कश्यपकाे निधन भएपछि दाजु राजेश कश्यपले लखनऊसँगै राखेर भारतकाे हरिद्वारस्थित देव संस्कृत विश्वविद्यालयमा याेग विज्ञान विषयमा भर्ना गराए । जिवनमा कठिन संघर्ष गर्दै उनी परिवारबाट सहयाेग पाउदै आएका थिए । एउटा मध्यम वर्ग परिवारले पढाईकाे खर्च उठाउन नसकेकाले उनी प्लस-टुदेखि नै साना बच्चाहरुलाई ट्युसन पढाउँथे । बाल्यकालदेखि नै अत्यन्त मिलनसार डा.कश्यप अहिले आफ्नाे समाजका लागि केही गर्ने र स्वास्थ्यप्रतिकाे सचेतना फैलाउने क्याम्प पनि गर्दै आएका छन् ।
उनी आफ्नाे उपलब्धीकाे श्रेय ठुला दाइहरु सन्जु, राजेश, बनवारी कश्यप र भाउजूहरु नीरु, रेनु र पुनमलाई दिन्छन् । आमा बुवाकाे निधनपछि दाइ भाउजू र इष्टमित्रकै सहयाेगले याे उचाईमा पुगिएकाे डाक्टर कश्यपले बताउँछन् । नेपाल लगायत विश्वका धेरैजसाे देशमा पनि केही बर्ष यता याेग विज्ञानकाे महत्व बढ्दै गएकाे छ । भारतका प्रधानमन्त्री नरेन्द्र माेदीले सन २०१४ सेप्टेम्बर २७ का दिन संयुक्त राष्ट्र सभाकाे बैठकमा याेग दिवसका लागि पहल गरेपछि प्रत्येक बर्ष २१ जुन विश्व याेग दिवस संसारभरि मनाइने चलन शुरु भएकाे छ ।
