नवलपरासी, मंसिर १० । पश्चिम नवलपरासीको रामग्रामस्थित पृथ्वी चन्द्र अस्पतालको अगाडि रहेको पेटिमा एक अपरिचित ब्यक्तिको निधन भएको छ । त्यहाँ वरिपरि रहेका व्यक्तिहरुका अनुसार त्यो मान्छे शनिबार दिउँसो करिब ११ बजेतिर पेटिमा आएर सुतेको र लगभग ४:३० बजेसम्म जिवित रहेको थियो । त्यस पछि त्यही पेटिमै उनको सास बन्द भएको उनीहरु बताउँछन ।
अस्पताल जस्तो ठाउमा एउटा मानिस अस्पतालकै पेटिमा आएर असामान्य तरिकाले सुत्छ, लगातार ५ घन्टा जिबनको लागि संघर्स गर्छ र त्यही उसको ज्यान जान्छ । त्यो संघर्सको अवधिमा अस्पतालको पेटिमा यसरी मृत्युसँग लडिरहदा न कोहिले ख्याल गर्छ न सहयोग नै गर्छ ।
त्यही अस्पतालमा दवाई गराउन आएका एक ब्यक्तिले त्यो मान्छेलाई केही ओढ्ने सल दिदिनु भनेर अस्पतालको एक स्टाफलाई आग्रह गर्दा उक्त स्टाफले म किन ओढाउने हो र यो मेरो बाउ हो भनेर जवाफ फर्काएको बताए ।
अस्पतालकै क्षेत्र भित्र अस्पतालकै पेटिमा एउटा ब्यक्ती ५ घण्टाको संघर्सपछि उपचार र हेरचाह बिना ज्यान गुमाउछ भने यो भन्दा ठुलो बिडम्बना के होला ? भनेर देख्ने र सुन्ने व्यक्तिहरु गुनाँसो गरेका छन् र एक किसिमको भय पनि सिर्जना भएको छ ।
त्यो ब्यक्तिसँग एक महिलाको नागरिकता र पर्स पनि भेटिएको छ । उक्त पर्समा लगभग रु ६०० जति रकम रहेको छ । स्थानियहरुको भनाई अनुसार मर्ने व्यक्ति बाटोको छेउछाउमा र फोहोर फाल्ने ठाउँबाट बोतलहरु जम्मा गरि बेची आफ्नो जिबिका चलाउने गरिन्थ्यो ।
