काठमाडौं, मंसिर १३ । नेकपा एमालेका अध्यक्ष केपी शर्मा ओलीलाई प्रतिनिधिसभामा पुन:निर्वाचित भएपछि स्वस्ति शान्ति वाचन गराउँदै शुभकामना तथा बधाई दिइएको छ ।
पार्टी केन्द्रीय कार्यालय ललितपुरको च्यासलसमा मंगलबार एमालेको भातृसंगठन राष्ट्रिय जनसांस्कृतिक मञ्चले स्वस्ति शान्ति वाचन गराउँदै शुभकामना तथा बधाई दिएको हो । स्वस्ति वाचनपछि पण्डित वृहङगमराज तिमल्सिनाले अध्यक्ष ओलीलाई रुद्राक्षको माला लगाइदिएका थिए।
कार्यक्रममा महासचिव शंकर पोखरेल, कार्यालय सचिव डा. भीष्मराज अधिकारीलगायत नेताहरु उपस्थित रहेको थियो । मंसिर ४ गते भएको निर्वाचनमा ओली झापा क्षेत्र नम्बर ५ बाट प्रतिनिधिसभा सदस्यमा निर्वाचित भएका हुन् ।
उनले ५७ हजार १ सय ३१ मत ल्याउँदै विजयी भएका हुन् । उनका निकटम प्रतिद्वन्द्वी डा. खगेन्द्र अधिकारीले २८ हजार २ सय ५७ मत ल्याएका थिए ।
