सल्यान, मंसिर १४ । सल्यानको सिद्धकुमाख गाउँपालिका – १ पटारेस्थित राप्ती राजमार्गमा बोलेरो जिप र मोटरसाइकल ठोक्किँदा मोटरसाइकलमा सवार दुई जना घाइते भएका छन् । श्रीनगरदेखि थारमारेतर्फ जाँदै गरेको रा १ च १२४२ नम्बरको बोलेरो जिप र रा ६ प ७४९८ नम्बरको मोटरसाइकल आपसमा ठोक्किएको हो ।
उक्त दुर्घटनामा रुकुम जिल्लाको सिस्ने गाउँपालिका ६ बस्ने १९ वर्षीय मोटरसाइकल चालक सुदिप मल्ल र उनकी आमा ४० वर्षीया निर्मला मल्ल घाइते भएका छन् । घाइते आमाछोरालाई स्थानीय तथा प्रहरीले उद्धार गरि उपचारका लागि शारदा नगरपालिका १ श्रीनगरस्थित मेट्रो अस्पतालमा पठाइएको जिल्ला प्रहरी कार्यालय सल्यानका सूचना अधिकारी प्रहरी प्रवक्ता प्रहरी निरीक्षक सन्तोष खनालले जानकारी दिए ।
अहिले बोलेरो जिप चालक शारदा नगरपालिका – १४ बस्ने प्रदिप विकका साथै जिप र मोटरसाइकल नियन्त्रणमा लिई थप अनुसन्धान भइरहेको प्रहरीले जनाएको छ ।
