काठमाडौं, मंसिर २८ । निर्वाचन आयोगले मंसिर ४ गते सम्पन्न प्रतिनिधिसभा र प्रदेशसभा निर्वाचनको अन्तिम परिणाम सार्वजनिक गरेको छ । प्रमुख आयुक्त दिनेशकुमार थपलियाले बुधबार पत्रकार सम्मेलन गरी प्रत्यक्ष र समानुपातिकतर्फको परिणाम सार्वजनिक गरेको हो ।
पत्रकार सम्मेलनमा प्रमुख निर्वाचन आयुक्त थपलियाले प्रतिनिधिसभा तर्फ १६५ प्रत्यक्ष र समानुपातिकतर्फ ११० सिट तथा प्रदेशसभा तर्फ ३३० र २२० सिटको परिणाम सार्वजनिक गर्दै समग्रमा नतिजा सकारात्मक भएको बताए । निर्वाचनमा सात राजनीतिक दलले राष्ट्रिय मान्यता पाएका छन् ।
आयोगले बिहीबार राष्ट्रपतिलाई प्रतिवदेन बुझाउने र पुस २ गते सातै प्रदेशमा प्रदेश प्रमुखलाई प्रतिवेदन बुझाउने प्रमुख निर्वाचन आयुक्त थपलियाले जानकारी दिए ।
