तनहुँ, मंसिर २९ । तनहुँमा श्रीमतीको कुटपिटबाट श्रीमान्को मृत्यु भएको छ । शुक्लागण्डकी नगरपालिका घर भएकी सुशीला विकले बुधबार साँझ साढे ९ बजे मदिरा सेवन गरि विवाद हुँदा श्रीमान् ४० वर्षीय मनबहादुर नेपालीलाई ढुंगाले टाउकोमा हिर्काएकी थिइन् ।
प्रहरीका अनुसार श्रीमतीको कुटपिटबाट गम्भीर घाइते बनेका नेपालीको जीपी कोइराला राष्ट्रिय श्वास प्रश्वास केन्द्रमा उपचारका क्रममा राति ११ बजे मृत्यु भएको हो । पोखरा महानगरपालिकाको सिसुवा स्थायी घर भएका उनी हाल तनहुँको शक्ला गण्डकी–४ प्रगति टोलमा श्रीमतीसँगै डेरामा बस्दै आएका थिए । घरायसी कुरामा विवाद भएको र त्यसपछि सुशीलाले मनबादुरलाई कुटपिट गरेको प्रहरीले जनाएको छ ।
प्रहरीले हत्या आरोपमा सुशीलालाई नियन्त्रणमा लिएर अनुसन्धान गरिरहेको छ ।
